Vöfflur (gf)

Glúteinlausar vöfflur geta verið tricky því að oft verða þær harðar. Loksins náði ég hinu fullkomna en það er algjört must að hafa vöfflujárnið á lágum hita ca. 1-2. Þessar eru fljótari að bakast en þegar notað er venjulegt hveiti.

Fyrstu 1-2 vöfflurnar fara nú oftast í smakkið en svo nær maður áttum á hitanum og lengdinni fyrir þessar góðu vöfflur, en það fer eftir þínu vöfflujárni. Mikilvægt er að hafa í huga að glúteinlausar vöfflur eru ekki alveg jafn dúnmjúkar og venjulegar en mér finnst þessar persónulega betri, þær eru bara aðeins stífari!

Svo gott með kaffinu!

Innihald af 5-6 vöfflum:

300 ml möndlumjólk
1 msk eplaedik
60 ml olía
60 ml sýróp
50 gr hafrar (gf)
280 gr glúteinlaust hveiti (Ég nota frá Freee)
2 og 1/2 tsk lyftiduft
1/2 tsk kanill
1 tsk vanillusykur
1/4 tsk salt

Aðferð:

Fyrst set ég möndlumjólkina og eplaedikið í skál og leyfi að standa saman í 2-3 mínútur.
Svo bæti ég við olíunni og sýrópinu, hræri saman.
Svo bæti ég við þurrefnunum og hræri vel saman þar til deigið er orðið slétt.
Svo set ég ca. 1 ausu í vöfflujárnið og baka vöfflurnar á lágum hita.
Ég toppa mínar vöfflur með rababara sultu, þeyttum vegan rjóma frá Alpro, jarðaberjum og súkkulaðisósu frá Hershey's.

Njótið!