Tófú salat (gf)

Þetta er salatið sem að ég geri oftast, svo gúrmé og matarmikið!
Ég baka heilan pakka af tófú og á það þá í salat næsta dag, sem flýtir mikið fyrir.
Þetta salat þarf alls ekki að taka mikinn tíma ef að maður er búinn að pressa tófúið tímanlega.

Innihald:

1 pakki af tófu (ca. 400 gr)
3 msk Balsamik gljái
2 msk soya sósa (gf)
1 msk agave sýróp
2 msk mango chutney
Salt og pipar
2 tsk hvítaluksduft
Ólífuolía

Ég baka alltaf heilan pakka og á þá næsta dag -en ef þið viljið gera hálfan pakka (200gr) er hægt að hálfa uppskriftina af marineringunni.

3 lófar spínatkál
1/4 rauðlaukur
1/3 af gúrku
5-6 kirsuberja tómatar
1/2 avócadó
1 lófi trönuber

Aðferð:

Mikilvægt er að byrja á því að pressa tófúið í að minnsta kosti klukkustund. Ég nota pressu frá Veganbúðinni en annars er hægt að setja skurðabretti og viskastykki hvorum megin við tófúið og þungar bækur ofan á. Því lengur sem þú pressir tófúið því betra.
Hita ofninn á 180 gráður blástur.
Þegar tófúið er orðið pressað sker ég það í teninga og set í skál.
Þá geri ég marineringuna sem inniheldur balsamik gljáann, soya sósuna, agave sýrópið, smá dass af olíu og mango chutney. Set það allt ofan í skálina með tófú bitunum og krydda með hvítlauksdufti og set salt og pipar.
Hræra marineringunni vel með tófúinu. Leyfa því síðan að standa í 15-20 mínútur.
Á meðan byrja ég að skera spínatkálið, rauðlaukinn, gúrkuna, kirsuberja tómatana, avócadóið og set í skál.
Þá set ég tófúið inn í ofninn í eldföstu formi og baka það í 20-30 mínútur eða þangað til að það er orðið stökkt að utan.
Ég set grænmetið í skál með trönuberjunum.
Þegar tófúið er tilbúið toppa ég salatið með því, smá dass af góðri ólífuolíu, salt og pipar og balsamik gljáa.

Njótið!