Sveppapasta með spínati (gf)

Ég fékk svo ótrúlega gúrmé íssalat, lamhagasalat og spínatkál frá Lambhaga í vikunni.
Það er svo gaman að elda úr svona úrvalshráefni en pasta með spínati er búið að vera á listanum lengi og ekki varð ég fyrir vonbrigðum. Nýji uppáhalds pastarétturinn minn, gjöriði svo vel!

Innihald fyrir 1-2:

100 gr pasta - Ég notaði glúteinlausar pastaskrúfur frá Jamie Oliver sem heitir Fusilli og fæst td. í Krónunni.
Dass af furuhnetum (ca. 35 gr)
100 gr skornir sveppir
1/4 af lauk
Ólífuolía
1 hvítlauksgeiri
2 msk glúteinfrí soya sósa
6 msk möndlurjómi
100 gr af spínatkál frá Lambhaga
Salt og pipar
Smá limesafi (Ég nota ferskt lime)
Vegan parmesan (má sleppa)

Aðferð:

Byrja á því að sjóða pastað með smá salti. Þegar það er til set ég það til hliðar.
Rista furuhneturnar á pönnu, þegar þær eru orðnar létt brúnar set ég þær í skál til hliðar. Ég rista þær ekki með olíu, bara beint á pönnuna.
Næst sker ég sveppina, saxa laukinn og set það saman á pönnu með olíu. Steiki þar til það er orðið ljósbrúnt ca. 3-5 mínútur á meðalháum hita.
Næst saxa ég hvítlauksgeirann smátt og bæti við á pönnuna.
Síðan bæti ég við soya sósunni og matreiðslurjómanum og leyfi því að malla saman í svona 1-2 mínútur.
Á meðan saxa ég spínatká.lið smátt og bæti því síðan við á pönnuna.
Krydda með salti og pipar. Kreisti smá lime safa yfir líka.
Því næst bæti ég pastanum við út á pönnuna og blanda vel saman. Læt það malla saman í 1-2 mínútur og þá er það tilbúið.
Ég toppa pastaréttinn með furuhnetunum, vegan parmesan, nokkrum ferskum spínatblöðum og ólífuolíu.

Njótið!

Sveppapasta með spínatkáli (GF)