Súkkulaðibita klattar (gf)

Þessir klattar eru með súkkulaðibitum og eru alveg ómótstæðilegir í kaffitímanum.
Taka ekki mikinn tíma, auðveldir og ekki skemmir að það sé hægt að gera þá glúteinlausa!

Innihald: (fyrir ca. 12-14 kökur)

200 gr hveiti (hægt að nota venjulegt eða glúteinlaust, ég notaði glúteinlaust frá "Freee by Doves Farm" og það fæst í Hagkaup)
1 tsk lyftiduft (vínsteinslyftiduft er glúteinlaust)
Smá salt
50 gr sykur
50 gr púðursykur
1,25 dl plöntumjólk
2 msk olía
1 tsk vanilludropar
100 gr suðusúkkulaði

Tips: Sum glúteinlaus hveiti eru alveg rosalega hvít og brúnka ekki við bakstur. Þá er hægt að bæta við 1 tsk af túrmerik kryddi við deigið fyrir brúnni lit.

Aðferð:

Hita ofninn á 180 gráður blástur.
Setja öll þurrefnin saman í hrærivél. Fyrst hveitið, lyftiduftið, salt, sykur og púðursykurinn.
Síðan bæta við plöntumjólkinni, olíu, vanilludropum og hræra vel.
Saxa súkkulaðið og bæta við ofan í.
Hræra þar til að deig byrjar að myndast
Ef deigið er of þurrt má bæta við smá plöntumjólk, ef það er smá of blautt má bæta við meira af hveiti, deigið á að vera stíft.
Setja deigið í skál og inn í ísskáp til að kæla í 30 mínútur.
Græja bökunarplötu með bökunarpappír.
Þegar deigið er búið að kælast má taka það út, gera litlar kúlur af deiginu, setja á plötu og inn í ofn.
Bakað í 10-15 mínútur.
Mikilvægt að kæla þær smá í ca. 5-10 mínútur eftir bakstur en mér finnst þessa kökur best volgar.

Njótið!