Þessar eru algjört æði!
​Fyrir mér má alltaf næla sér í eina söru, ekki bara á jólunum!

---

Krem:

• 150 gr hrásykur
• 1-2 tsk vel malað kaffiduft
• 1 tsk vatn
• 1 tsk vanillusykur
• 250 gr vegan smjörlíki
• 30 gr kakóduft

Aðferð með kremið:

1. Mala hrásykurinn, kaffiduftið og vanillusykurinn í matvinnsluvél eða trekt þar til að það er orðið mjög fínt duft.
2. Kalt smjörið er skorið í bita, duftið úr matvinnsluvélinni og kakóið er síðan sett saman í hrærivél og hrært saman. 
3. Kremið sett í ílát og kælt vel, í ísskáp eða frysti. 

---------------------------------------------------------

Botnarnir:

• 180 gr möndlumjöl
• 1,5 dl sýróp
• 1 tsk púðursykur
• 3 msk möndlusmjör
• 1,5 tsk vanilludropar
• 1/4 tsk salt

Aferð á botnum:

1. Hita ofninn á 180 gráður blástur.
2. Allt hrært saman í hrærivél.
3. Deiginu rúllað upp í puslu og skorið í jafna ca. 0,5 - 1 cm litla bita (hringi). Mjög mikilvægt að hafa botnana jafna fyrir baksturinn. 
4. Botnarnir eru bakaðir í 6-7 mínútur. Passa að ofbaka ekki eða brenna þá, þeir eiga ekki að verða alveg brúnir en ágætlega stökkir. Mikilvægt er að fylgjast vel með þeim í ofninum. 
5. Eftir baksturinn eru botnarnir kældir í ísskáp. 

​---------------------------------------------------------

Hjúpur:

• 300 gr suðusúkkulaði

Aðferð með krem:

1. Bræða súkkulaðið yfir vatnsbaði.
2. Mér finnst best að tempra það með því bræða fyrst 1/3 og síðan slökkva á hitanum undir og láta restina af súkkulaðinu bráðna með því heita. 
3. Ég hræri með gaffli í súkkulaðinu til að koma lofti í það. 

​---------------------------------------------------------

Samsetning:

1. Köldu kreminu er smurt á botnanna og þeim dýft ofan í súkkulaðið. Mér finnst gott að dýfa þeim tvisvar í súkkulaðið til að fá sterkan hjúp.
2. Raðað þeom á disk og sett í kæli.
3. Það er best að geyma sörurnar í frysti. 

​---------------------------------------------------------


​Njótið!

---

© 2021 Vegan hjá Láru | laralindj@gmail.com | Allur réttur áskilinn | Öll notkun og afritun á efni er óheimil án samþykkis.