Þessi réttur er búinn að vera lengi á listanum hjá mér.
Alltaf góð hugmynd að skella í eitt gott franskt Ratatouille, hér er uppskriftin!
Innihald
1 dós hakkaðir tómatar (400 gr)
3 msk ólífuolía
2 msk eplaedik
1 tsk pressaður saxaður hvítlaukur
2 msk söxuð basilíka (67 lauf) + meira til skreytingar
1 og 1/2 tsk Herbs de provence krydd
1/4 tsk chillý duft
Smá salt og pipar
1 laukur
1 kúrbítur
1 eggaldinn (reyna finna mjóan og langan)
3 bufftómatar

​Aðferð
  1. Hita ofninn á 180 gráður blástur. 
  2. Græja formið - smyrja með smjörilíki á hliðum. Ég notaði form sem er 24 x 24 á stærð og 6 cm á dýptina.
  3. Fyrst byrjum við á því að græja sósuna. Við setjum hökkuðu tómatana, oluna og vinegarinn í skál og hrærum vel.
  4. Því næst bætum við í skálina hvítlauknum, basil, Herbs de provence kryddinu, setjum salt og pipar og chillý duft.
  5. Hræra sósunni vel saman og hella henni svo jafnt í formið. 
  6. Því næst á að skera laukinn, kúrbítinn, eggaldinn og bufftómatana í jafnar sneiðar, á þykkt og stærð. 
  7. Síðan röðum við því í formið ofan á sósuna í þessari röð: laukur, kúrbítur, eggaldinn, bufftómatur - og endurtaka þar til að formið er orðið fullt.
  8. Hægt er að skera grænmetið, td eggaldinn í tvennt til að ná upp sömu stærð á allt ef grænmetið er misstórt. 
  9. Því næst er penslað olíu yfir allt grænmetið í forminu og sett inn í ofn. 
  10. Ratatouilleið er bakað í um klukkustund eða þar til að það er orðið gyllt og mjúkt. 
  11. Flott er að skreyta réttin með basil og borða með gómæstu hvítlauksbrauði.
    ​
    ​Njótið!
    ​

© 2020 Vegan hjá Láru | laralindj@gmail.com | Allur réttur áskilinn | Öll notkun og afritun á efni er óheimil án samþykkis.