Prótein pönnsur

Mér fannst vanta uppskrift af vegan fljótlegum pönnsum án sykurs, hérna eru þær!

Innihald:

2 dl spelthveiti
1 dl vegan prótein
1 tsk lyftiduft
1/2 tsk salt
dropi af steviu (hægt að nota sýróp líka þá 2 msk)
2 og hálfur dl vatn

Ég blanda öllu þessu saman í skál og hræri vel saman.
Þegar deigið er tilbúið og rennur slétt er hægt að byrja að steikja litlar pönnsur á pönnu uppúr olíu eða smjöri.

(Alltaf hægt að bæta við meira vatni eða möndlumjólk ef þær eru þurrar)

Þessi uppskrift er fyrir sirka 10 pönnsur.

Það er hægt að toppa þessar pönnsur með allskonar gúrme.
Ég setti hindber, banana og sýróp.

Njótið!