Lakkrístoppar

Eftir miklar prófanir með allskonar hráefni og mælingar, komu þessir út eins og draumur!
Nú mega jólin koma.

Innihald á ca. tvær ofn plötur:

Aðferð:

Hita ofninn á 150 gráður blástur.
Hræra kjúklingabaunasafanum í hrærivél saman í 15-20 mínútur.
Þá ætti safinn að verða alveg hvítur og stífur.
Næst set ég púðursykurinn hægt og rólega saman við, aðeins matskeið í einu, á meðan ég hræri ennþá í hrærivél.
Á meðan ég bæti púðursykrinum við hræri ég alveg í 20 mínútur til viðbótar.
Eftir þann tíma áttu að geta hvolfað skálinni með og maregnsblandan á ekki að haggast.
Næst blanda ég mjög smátt söxuðu suðursúkkulaði og lakkrískurli við maregnsblönduna með sleif. Mjög varlega, rólega og hægt.
Því minni sem topparnir eru því betra og öruggara er að baka þá. Ég nota rúmlega teskeið, aðeins minna, fyrir hvern topp á bökunarplötu með bökunarpappír.
Best er að hafa hraðar hendur á meðan toppunum er komið fyrir á plötunni því að það sem að heldur þeim fluffy er loftið eftir þeytinginn í hrærivélinni og fellur hann með tímanum.
Ef þú átt afgang eftir í skálinni og ætlar að nota þá á næstu ofnplötu er best að geyma skálina í ísskáp á milli til að halda loftinu í deginu á milli plata.
Ég baka toppana í 15 mínútur, mínútu til eða frá.
Þegar að ég tek þá út úr ofninum er mikilvægt að leyfa þeim að kólna í 2-3 mínútur áður en þeir eru teknir af plötunni.

Njótið!