Kartöflumús (gf)

Alltaf góð og létt að veganvæna!

Innihald:

10-12 kartöflur
2 msk smjörlíki
2 msk af matreiðslu möndlurjóma (t.d. frá Ecomil, fæst í Krónunni - sami og er í sveppasósunni)
Hvítlaukskrydd
Salt og pipar

Aðferð:

Byrja á því að sjóða kartöflurnar. Tekur ca. 30-40 mínútur eða þangað til að það sé hægt að stinga í gegnum þær með gaffli. Ég set smá salt í vatnið þegar ég sýð þær.
Þegar kartöflurnar eru orðnar soðnar set ég þær undir kalt vatn og kæli þær niður.
Svo afhýði ég þær allar og set aftur í tóman pottinn. (Líka hægt að afhýða áður en þær eru soðnar ef ykkur finnst það betra).
Ég bæti svo smjörinu við og byrja að kremja kartöflurnar niður í pottinum þar til að þær byrja að mynda mús, á meðalháum hita.
Þá bæti ég við möndlurjómanum og krydda.
Ég hræri í músinni með sleif þar til að lítið er um kekki og þá er hún tilbúin. Mér finnst persónulega gott að hafa smá kartöflukekki.

Njótið!