Jólaturnar (gf)

Þessir eru svo ótrúlega góðir, gefa jólabragðið og það er hægt að skreyta þá svo fallega!

Innihald fyrir 6-7 turna:

Kaka:

200 gr glúteinlaust hveiti
30 gr kakó
1 tsk matarsódi
1/2 tsk lyftiduft
1/4 tsk salt
80 ml sýróp
80 ml olía
60 ml kjúklingabaunasafi/aquafaba
2 tsk eplaedik
1 tsk vanilludropar
120 ml plöntumjólk

Trönuberjasulta:

100 gr trönuber
60 ml appelsínusafi
Smá appelsínubörkur
1 msk sýróp
1 tsk kanill
1 msk chiafræ

Hjúpur:

100 gr suðusúkkulaði
1 msk sýróp
60 ml plöntumjólk
Trönuber til að skreyta

Aðferð:

Hita ofninn á 180 gráður blástur.
Smyrja smjöri í form og klæða með bökunarpappír. Ég notaði hringform sem var 25x25 cm.
Við byrjum á kökunni og þá blöndum við saman öllum þurrefnunum í hrærivél.
Í aðra skál hræri ég saman olíunni, sýrópinu, aquafaba, edikinu, dropunum og plöntumjólkinni með písk.
Svo helli ég úr þeirri skál við þurrefnin í hrærivélinni.
Hræri vel saman og helli síðan í bökunarformið.
Kakan er bökuð í 15-20 mínútur. Þegar hún er tilbúin er hún tekin út og látin kælast vel.
Á meðan geri ég trönuberjasultuna.
Ég set trönuberin, appelsínusafann, smá rasp af börkinum af ferskri appelsínu, sýrópið og kanilinn saman í pott.
Hræri saman á meðalháum hita í 8-10 mínútur þar til trönuberin fara að springa.
Þá krem ég trönuberin með gaffli þar til að þau eru orðin mjúk.
Þá bæti ég við chiafræjunum og læt malla saman í 3-4 mínútur. Áferðin á að vera smá þykk eins og sulta.
Svo er sultan sett í kæli.
Þá ætti kakan að vera orðin köld og hægt að skera út toppana með hringlaga formi.
Sultunni er smurt á milli tveggja botna og gerðir eru toppar.
Þá næst er hjúpurinn gerður en þá hitum við plöntumjólkina upp að suðu í potti og hún síðan sett í skál.
Síðan er súkkulaðinu og sýrópinu bætt við í skálina og brætt saman.
Ég læt súkkulaðið standa í 2-3 mínútur, þú þykknar það. Því er síðan hellt yfir toppana.
Ég skreyti toppana með trönuberjum og greni.

Njótið!