Fylltar paprikur með töfrandi ítalskri fyllingu.
Færslan er unnin í samstarfi með Sacla. 
-Fyrir 4 paprikur
Innihald: 
  • 2 grænar paprikur
  • 2 rauðar paprikur
  • 1,5 dl saxaður kúrbítur
  • 0,5 dl saxaður laukur
  • 0,5 dl söxuð fersk steinselja
  • 3 sveppir
  • 1 hvítlauksgeiri
  • 1 poki hrísgrjón
  • 1 krukka af vegan bolognese sósu frá Sacla
  • 3 dl vegan hakk - Bæði frá Naturli og Anamma eru glúteinfrí
  • 4 msk vegan rifinn ostur - Ég nota grated style frá Violife
  • Ólífuolía með basil frá Sacla (hægt að nota venjulega)​
  • Vegan basil pestó frá Sacla
  • 1,5 tsk ítölsk kryddblanda - frá Kryddhúsinu
  • 1 tsk hvítlauksduft
  • Salt og pipar

Aðferð:
  1. Hita ofninn á 180 gráður blástur.
  2. Skera toppin af paprikunum, hreinsa innan úr þeim, pennsla með basil olíunni og setja í eldfast form. 
  3. Sjóða hrísgrjónin í potti þar til þau eru tilbúin, ca. 10-12 mín.
  4. Saxa kúrbítinn, laukinn, sveppina, hvítlaukinn og steinseljuna mjög smátt og setja í skál til hliðar.
  5. Bæti við hvítlauksduftinu og ítalska kryddinu í skálina ásamt salt og pipar.
  6. Steikja vegan hakkið á pönnu með dass af basil olíu, salt og pipar. Tekur ca. 5 mínútur. 
  7. Þá næst er grænmetinu í skálinni bætt út á pönnunni og steikt saman í aðrar 5 mínútur. 
  8. Svo er bolognese sósunni og hrísgrjónunum bætt við á pönnuna og leyft að malla saman á lágum hita í smá tíma..
  9. Svo eru paprikurnar fylltar með fyllingunni.
  10. Settur er álpappír yfir formið og inn í ofn í 35-40 mínútur.
  11. Eftir þann tíma eru paprikurnar teknar út.
  12. Þá er hver paprika toppuð með 1 msk af vegan osti og þær eru settar aftur inn í ofn án álpappírs í 10-15 mínútur. 
  13. Þá byrja þær að brúnast meira og verða tilbúnar. 
  14. Paprikurnar eru síðar toppaðar og bornar fram með vegan basil pestó.

​Njótið! 
© 2020 Vegan hjá Láru | laralindj@gmail.com | Allur réttur áskilinn | Öll notkun og afritun á efni er óheimil án samþykkis.