Döðlugott

Alltaf jafn ljúffengt! - Uppskriftin gefur ca. 50 litla bita.
ath. vegan rice crispýs fæst nefnilega því miður ekki lengur á Íslandi svo ég hef verið að nota kínóa puffs sem fæst í nettó
eða annað kornflex, það er alveg jafn ljúffengt og gott!

Innihald:

500 gr döðlur
250 gr smjörlíki
150 gr púðursykur
150 gr lakkrískurl
150 kínóa puffs/kornflex
1 msk sjávarsalt
300 gr suðusúkkulaði
50 gr vegan hvítt sukkulaði (til að skreyta, ég notaði frá Ichoc, fæst í Nettó)

Aðferð:
Byrja á því að saxa döðlurnar smátt og setja í pott með smjörlíkinu.
Bæta síðan púðursykrinum við og hræra vel saman á meðalháum hita þangað til að döðlurnar eru orðnar mjúkar.
Því næst bæti ég lakkrískurlinu og sjávarsaltinu saman við.
Ég blanda svo kínóa puffs/kornflexi við í 3 skömmtum og hræri vel saman inn á milli.
Þegar þetta er orðið vel blandað saman, græja ég bökunarplötu/form með bökunarpappír og flet út.
Passa að halda góðri þykkt á gottinu.
Set inn í frysti í 10 mínútur og á meðan bræði ég suðusúkkulaðið yfir vatnsbaði.

Eftir 10 mínúturnar smyr ég súkkulaðinu ofan á og set aftur inn í frysti í 30 mínútur.
Á meðan bræði ég hvíta súkkulaðið.
Þegar gottið er tilbúið aftur úr frystinum skreyti ég með hvíta súkkulaðinu ofan á og set síðan gottið aftur í frysti í 10 mínútur til að leyfa hvíta súkkulaðinu að harna vel.

Eftir þessar 10 mínútur tek ég gottið úr frysti og sker í teninga.
Ég mæli með því að geyma gottið í frysti eða kæli.

Njótið!

döðlugott