Svona elda ég mitt carbonara pasta! Þetta er sjúklega fljótlegt og næs.
Ég set kjúkling í staðin fyrir feikon en mér finnst það einfaldlega bara betra og meira af próteini.
Innihald fyrir tvo:
  • Spagettí  (gf, ég nota frá Rummo)
  • 300 ml Oatly matreiðslurjómi
  • 4 bitar af chipotle-lime vegan kjúklinga strimlum frá Gardein (Þeir eru ekki GF frá þessu merki en eflaust hægt að finna svipaða í Veganbúðinni sem eru GF eða nota snitzel frá Naturli, þau eru 100% GF og fást í Krónunni)
  • 200 gr sveppir
  • 2 tsk soya sósa (gf)
  • 1 sveppateningur (gf)
  • 1/2 paprika
  • 1/4 rauðlaukur
  • 3 geirar af hvítlauk
  • 1 msk maísmjöl
  • Salt og pipar
  • Olía
  • Steinselja
  • Vegan parmesan

Aðferð:
  1. Hita ofninn á 180 gráður blástur og set kjúklinga strimlana í eldfast mót og baka í 12-15 mínútur.
  2. Ég byrja á því að sjóða spagettíið. Magnið af því er mjög persónulegt en ég tek ca hálfan lófa. 
  3. Skera sveppina, paprikuna og rauðlaukinn smátt. 
  4. Ég byrja á því að steikja sveppina á pönnu með olíu, soya sósu og smá salt og pipar.
  5. Næst pressa ég hvítlaukinn útí. 
  6. Þegar sveppirnir eru mjúkir bæti ég paprikunni og rauðlauknum út á pönnuna.
  7. Í pott set ég matreiðslurjómann, sveppateninginn saxaðan og 1 msk af maísmjöli. 
  8. Hræri því vel saman þar til sósan er orðin kekkjalaus, hún þarf að vera á lágum hita og malla í smá tíma til þess að þykkjast vel en það er maísmjölið sem gerir það hægt og rólega. 
  9. Ég bæti grænmetinu og spagettíinu við í pottinn og hræri þessu vel saman.
  10. Ég sker kjúklingastrimlana í bita og toppa pastað með því ásamt steinselju og vegan parmesan.

​Gjöriði svo vel! 
© 2021 Vegan hjá Láru | laralindj@gmail.com | Allur réttur áskilinn | Öll notkun og afritun á efni er óheimil án samþykkis.