Þessar eru frábærar í partýið, ferðalagið eða bara í kósý heima!

---

Innihald: (fyrir ca. 14 bita)

• 2 vefjur- Ég nota glúteinlausar frá Schar, fást í Krónunni.
• 150 gr vegan rjómaostur - ég nota bláa frá Oatly.
• 5 sólþurrkaðir tómatar
• 1 lófi af spínatkáli frá Lambhaga
• 1 hvítlauksgeiri
• 2 msk vegan parmesan 
• Salt og pipar
• Paprikukrydd
• Basil lauf

Aðferð:

1. ​Saxa sólþurrkuðu tómatana, spínatkálið og hvítlaukinn rosalega smátt. 
2. Sett í skál með rjómaostinum, parmesan, paprikukryddinu, salt og pipar. 
3. Hræra vel saman með sleif. 
4. Breiða úr vefjunum og smyrja þær með fyllingunni jafnt og þétt. 
5. Leggja basil lauf yfir smyrjuna.
6. Rúlla upp og skera í bita. Það getur verið smá erfitt með glúteinlausar vefjur ef þær eru mjög stífar en þá reyni ég að gera þær smá rakar með því að bleyta viskustykki og dampa á þær. 
7. Þessir vefjubitar geymast vel í kæli. 

​Njótið!
​

---

© 2020 Vegan hjá Láru | laralindj@gmail.com | Allur réttur áskilinn | Öll notkun og afritun á efni er óheimil án samþykkis.
​