Þessi geggjaða áramótabombu skálaterta þarf alls ekki að taka mikinn tíma og það er hægt að vinna sér vel inn í haginn með því að vera búinn að baka lakkrístoppana fyrirfram! Þessi eftirréttur sló algjörlega í gegn!
Innihald fyrir stóra bombu, ca. fyrir 6-8 manns:
  • Vegan lakkrístoppar
  • 1 Alpro rjómi
  • 1 tsk Vanillusykur
  • Nóg af berjum, ég notaði jarðaber, hindber, vínber og bláber
  • 2 lófar af dökkum súkkulaði rúsínum 
  • 70 gr lakkrískurl
  • 50 gr suðusúkkulaði

Aðferð:
  1. Ég bakaði heila uppskrift af lakkrístoppum en uppskriftin af þeim er HÉR. 
  2. Brjóta toppana niður í botninn á skálinni en ég geymi nokkra til að skreyta.
  3. Þeyta rjómann og bæta við vanillusykri í hann. 
  4. Smyrja rjómanum varlega yfir toppana í botninum.
  5. Skreyta vel með berjum, súkkulaði rúsínunum, lakkrískurlinu og nokkrum lakkrístoppum.
  6. Bræða  suðusúkkulaðið og toppa með því.

Mikilvægt að halda réttinum í kæli þar til að hann er borðaður, njótið vel! 
© 2021 Vegan hjá Láru | laralindj@gmail.com | Allur réttur áskilinn | Öll notkun og afritun á efni er óheimil án samþykkis.